फोहोरमैला व्यवस्थापन समितिको बैठकमा चर्काचर्की , आशिका तामाङ रिसाएर झोला बोकेर निस्किइन्

सारांश

फोहोरमैला व्यवस्थापन समितिको बैठकमा चर्काचर्की , आशिका तामाङ रिसाएर झोला बोकेर निस्किइन्

काठमाडौँ। काठमाडौँ उपत्यकाको फोहोरमैला व्यवस्थापनबारे पूर्वाधार विकास मन्त्रालयमा भएको एक छलफल विवादित भएको छ ।

बैठकमा काठमाडौँ उपत्यकाको फोहोर व्यवस्थापन सम्बन्धी छलफल चलिरहँदा राष्ट्रिय स्वतन्त्र पार्टी (रास्वपा) की सांसद आशिका तामाङ र उपत्यकाका मेयरहरूबिच भनाभन नै भयो । बैठकमा नौ जना नगरप्रमुखहरू उपस्थित थिए, जहाँ सुरूमा मेयरहरूले पालैपालो आफ्ना भनाइ राखिरहेका थिए ।

टोखा नगरपालिकाका मेयर प्रकाश अधिकारी आफ्नो धारणा राखेर बैठकबाट बाहिरिन लाग्दा सांसद तामाङले आपत्ति जनाएकी थिइन् । उनले अघिल्लो बैठकमा न्यून उपस्थिति रहेको र आज पनि थोरै संख्यामा उपस्थित भएर मेयरहरूलाई हिँड्न हतार भएको भन्दै आक्रोश व्यक्त गरिन् ।

ललितपुर उपमहानगरका मेयर चिरिबाबु महर्जन बोल्दा विवाद उत्कर्षमा पुग्यो । त्यसपछि आशिका आक्रोशित बन्दै आफ्नो ब्याग टिपेर बैठकबाट बाहिरिइन् । जानुअघि उनले अब अर्को छलफल बन्चरे डाँडामै हुने बताइन् । बन्चरे डाँडा आशिकाको निर्वाचन क्षेत्र हो ।

प्रतिक्रिया दिनुहोस