सारांश
धादिङ सिस्नेखोलादेखि काठमाडौं सतुंगल जोड्ने निर्माणाधीन नागढुंगा सुरूङमार्ग तोकिएको अवधिमा नसकिने भएको छ। निर्माण अवधि करिब एक वर्ष बाँकी हुँदा हालसम्म आयोजनाको भौतिक निर्माण काम ४४ प्रतिशत मात्रै सकिएको छ।
अब बाँकी ५६ प्रतिशत काम तोकिएको अवधिमा सकिने अवस्था देखिँदैन।
आयोजनाको औपचारिक निर्माण २०७६ कात्तिक २८ गतेदेखि थालिएको हो। सडक विभाग र जापानी निर्माण कम्पनी हाज्मा आन्दो कर्पोरेसनबीच अप्रिल, २०२३ भित्र आयोजना निर्माण सक्ने गरी सम्झौता भएको थियो।
