सारांश
काठमाडौं । ‘कुलिङ पिरियड’ छानबिन विशेष समितिले सर्वसम्मत प्रतिवेदन तयार पारेको छ ।
समितिले मंगलबार बिहान प्रतिवेदनलाई अन्तिम रुप दिएको एक सदस्यले जानकारी दिए ।
“सर्वसम्मत प्रतिवेदन तयार पारेका छौँ । आज संसद्मा पेस हुन्छ,” उनले भने । स्रोतका अनुसार कुलिङ पिरियडको गढबढीमा राज्यव्यवस्था तथा सुशासन समितिका सभापति रामहरि खतिवडा नैतिक जिम्मेवार रहेको निचोड निकालिएको छ ।
प्रतिवेदनले समितिका सचिव सुरजकुमार दुरा जिम्मेवार रहेको ठहर गरेको छ । “प्रतिवेदनमा हस्ताक्षर गर्ने सभापति र सचिवको नैतिक जिम्मेवारी रहेको निचोड निकालेका छौँ,” उनले भने ।
