सारांश
विराटनगर। कोशी प्रदेशका उद्योग, कृषि तथा सहकारीमन्त्री खगेनसिंह हाङ्गामलेआफ्ना मान्छे नियुक्ति गर्न दिएको निर्देशन नमान्दा सचिवको गाडी नै खोसिदिएका छन् ।
सोमबार मुख्यमन्त्रीको कार्यालयमा पुगेका सचिव शरणकुमार पाण्डे सवार सरकारी गाडीको चावी चालकलाई बोलाएर हाङ्गामले खोसेका हुन् ।
हाङ्गामले हाल कार्यरत १० जना चालक र सहयोगी हटाउन सचिव पाण्डेलाई दबाब दिँदै आएको रआफ्नो सचिवालयका कर्मचारीका लागि गत असार महिनाको टीएडीए निकास गर्न पनि उनले सचिव पाण्डेलाई चर्को दबाब दिएको स्रोतले जनाएको छ ।
सचिव पाण्डेले आफूले चढ्ने गरेको गाडीको चाबी खोसिएको बताए ।
‘म मुख्यमन्त्रीको कार्यालयमा गएको थिएँ । गाडीको चाबी त्यहीँबाटै लगिएको रहेछ’, उनले भने, ‘मैले त कानुनले दिएको कुरा गर्ने हो । कानुनले दिएको कुरा मिलेसम्म गरेकै छु । कानुनबाहिरको कुरा त जसले भने पनि गर्न सक्दिनँ ।’
