सारांश
काठमाडौं । काठमाडौंमा जेनजी पुस्ताले दोस्रो दिन पनि प्रदर्शन सुरु गरेका छन् ।
राति अबेरसम्म सडकमै रहेका जेनजी पुस्ता आज पनि बिहानैदेखि संसद् भवन अघि पुगेर नाराबाजी गरिरहेका छन् ।
उनीहरुले ‘हाम्रा साथी फिर्ता दे सरकार’ ‘सरकार राजीनामा दे’ लगायतका माग राखेका छन् ।
प्रदर्शन रोक्न जिल्ला प्रशासन कार्यालय काठमाडौंले अहिले साढे ८ बजेदेखि अर्को आदेश नआउँदासम्मका लागि कर्फ्यु आदेश जारी गरिसकेको छ ।
काठमाडौं सोमबारदेखि तनावग्रस्त छ । सोमबार काठमाडौंमा जेनजीको आन्दोलनमा प्रहरी दमनका कारण कम्तिमा पनि १७ जनाको मृत्यु भएको छ । इटहरीमा दुई गरी हिजोको आन्दोलनमा जम्मा १९ जनाको मृत्यु भएको छ ।
