सारांश
काठमाडौं । नेकपा एमालेका अध्यक्ष तथा निवर्तमान प्रधानमन्त्री केपी शर्मा ओली सैनिक ब्यारेकबाट बाहिरिएका छन् ।
जेनजी आन्दोलनका क्रममा नेपाली सेनाले सुरक्षा कारण नियन्त्रणमा लिएर २४ भदौदेखि ब्यारेकमा राखेका ओली भक्तपुरको गुण्डुमा सरेका हुन् ।
ओलीका लागि त्यहाँ भाडाको घर लिइएको एमाले नेताहरूले बताएका छन् । यसअघि बालकोटस्थित ओलीको निजी आवास प्रदर्शनकारीले जलाइदिएका कारण उनी गुण्डु सरेका हुन् ।
ओलीलाई सार्वजनिक कार्यक्रममा प्रस्तुत गर्ने तयारी भएको र यसको पहल एमाले पोलिटब्युरो सदस्य महेश बस्नेतले गरेको सुरक्षा स्रोतको भनाइ छ ।
