काठमाडौं । पूर्वप्रधानमन्त्री तथा नेपाली कांग्रेसका पूर्वसभापति शेरबहादुर देउवा दम्पतीलाई सम्पत्ति शुद्धीकरण मुद्दामा पक्राउ नगर्न सर्वोच्च अदालतले अन्तरिम आदेश दिएको छ ।
न्यायाधीशद्वय महेश शर्मा पौडेल र नित्यानन्द पाण्डेयको संयुक्त इजलासले देउवाले दायर गरेको रिटमाथि सुनुवाइ गर्दै उक्त आदेश जारी गरेको हो ।
सर्वोच्चले सम्पत्ति शुद्धीकरणसम्बन्धी मुद्दा हेर्ने अधिकार विशेष अदालतमा रहने भन्दै काठमाडौं जिल्ला अदालतबाट जारी पक्राउ पुर्जी स्वतः निष्क्रिय हुने ठहर गरेको छ ।
हाल उपचारका क्रममा विदेशमा रहेका देउवाले आफू अनुसन्धानमा सहयोग गर्न र सम्पत्तिको स्रोत देखाउन तयार रहेको बताएका छन् ।
यसअघि सरकारले देउवाविरुद्ध इन्टरपोल मार्फत रेडकर्नर नोटिस जारी गर्ने तयारी गरेको थियो ।
सारांश
