सारांश
काठमाडौं । प्रमुख प्रतिपक्षी दल नेपाली कांग्रेसका महामन्त्री प्रदीप पौडेलले सरकारको ‘सय दिनमा सय काम’ अभियान प्रभावकारी हुन नसकेको बताएका छन् ।
शनिबार सिंहदरबारमा कांग्रेस संसदीय दल कार्यसमितिको बैठकपछि सञ्चारकर्मीसँग कुरा गर्दै उनले सरकारले घोषणा गरेका धेरै काममा छलफलसमेत नभएको टिप्पणी गरे।
उनले धेरै कामको सूची बनाउनु भन्दा सीमित र स्पष्ट लक्ष्य तय गरेर पूरा गरेको भए परिणाम राम्रो आउने बताए। कांग्रेसले सरकारका गतिविधिमाथि निरन्तर निगरानी गरिरहेको उनको भनाइ थियो।
पार्टीको १५औँ महाधिवेशनबारे बोल्दै पौडेलले आन्तरिक असन्तुष्टि संवाद र छलफलमार्फत समाधान गरिने बताए। महाधिवेशनमा सबैको सम्मानजनक सहभागिता सुनिश्चित गर्दै स्वस्थ प्रतिस्पर्धाबाट नेतृत्व चयन हुने वातावरण बनाइने उनले उल्लेख गरे।
