भोट मलाई है : रेजिना उप्रेती

सारांश

काठमाडौं । नेपाल चलचित्र कलाकार संघको निर्वाचन नजिकिदै गर्दा अध्यक्ष पदकी प्रत्यासी नायिका रेजिना उप्रेतीले आफ्नो चुनावी भेटघाटलाई तिब्रता दिएकी छन् ।

करीब अढाई दशक अघि देखि नेपाली चलचित्र क्षेत्रमा निरन्तर क्रियाशील नायिका उप्रेतीले लगभग ६ दर्जन चलचित्रमा अभिनय गरेकी छिन।

दर्जनौं म्यूजिक भिडियो, डकुमेन्ट्री र एड फिल्ममा काम गरिसकेकी उप्रेतीसङ्ग चुनाबकै सेरोफेरोमा केन्द्रित रहेर गरिएको सङ्क्षिप्त कुराकानी यहाँ प्रस्तुत छ :

-कलाकार संघमा अध्यक्ष पदमा उम्मेद्बारी घोषणा गर्नुभयो, कस्तो हुँदैछ तयारी?

= म विगत ८ वर्ष देखि कलाकार संघमा पहिलो कार्यकाल उपाध्यक्ष र दोश्रो कार्यकाल वरिष्ठ उपाध्यक्षको रुपमा रहेर काम गरे । तसर्थ अध्यक्ष पदमा मेरो दाबी हुनु स्वाभाविक हो। रह्यो कुरा तयारीको, मैले आफ्नो तर्फबाट अग्रज, समकक्षी र अनुज सबै कलाकार साथीहरुलाई भेटेर फोन गरेर आफ्ना एजेन्डाहरु बताउँदै आएकी छु। सम्भव भएसम्म भेट्ने, सम्भव नभए फोन, मेसेज गर्ने गरेकी छु। विभिन्न माद्यमबाट सबै मतदाता मित्रहरूकोमा पुग्ने कोसिस जारी छ।

- तपाईंको प्रतिस्पर्धामा त मोहन निरौला पनि हुनुहुन्छ, त्यति सिनियर कलाकारसङ्ग चुनाव लड्दै गर्दा कस्तो अनुभव भैरहेको छ?

= हो, मोहन दाइ वरिष्ठ कलाकार त हुँदै हो। चुनावमा को सिनियर को जुनियर भन्दा पनि कसको एजेन्डा कस्तो र भोलीको दिनमा नेतृत्व सम्हाल्दै गर्दा कसले कति काम गर्छ भन्ने नै ठूलो कुरा हो जस्तो लाग्छ।

-तपाईंले चुनाव जित्ने आधार के के हुन् ?

= विगतमा कलाकारिता तथा सामाजिक क्षेत्रमा राम्रो काम गरेको, कलाकारहरुको हक हितमा काम गरेको र आगामी दिनमा पनि कलाकारको सम्बर्द्धनमा सकृय हुने उद्देश्यले मैले उम्मेदवारी दिएकी हु। मैले संघको लागि के के गर्न सकिन्छ भनेर घोषणापत्र तयार गरेकी छु, निर्वाचन अगाडि सबै कलाकार समक्ष उक्त कुरा राख्नेछु, अनि जित्ने आधार क्लियर हुन्छ।

-अन्त्यमा केही भन्नू छ कि?

= सम्पूर्ण कलाकार साथीहरुलाई स्वविवेक प्रयोग गरेर मत प्रदान गर्नुहोला। मेरो विनम्र अनुरोध - मलाई भोट दिएर विजयी बनाउनुहोला ।