सारांश
काठमाडौं । पूर्वमिस नेपाल इन्टरनेसनल नीति शाह अभिनय सिक्न र जीवनलाई थप ‘एक्सप्लोर’ गर्न भन्दै मुम्बई उडेकी छन् ।
साइनको हिसाबले नीतिको पहिलो चलचित्र‘हुतुतु’ र त्यसपछि ‘एक्स नाइन’ हो । पछिल्लो साइनिङ चलचित्र ‘क्यामिनो’का लागि उनले वर्कसप पनि गरिन् । तर विविध कारणले चलचित्र तत्काल नबन्ने भएपछि पूर्वमिस नेपाल इन्टरनेसनल नीति शाह अभिनय सिक्न र जीवनलाई थप ‘एक्सप्लोर’ गर्न भन्दै मुम्बई उडेकी छन् ।
उनी अगाडि लेख्छिन्, ‘मैले साइन गरेका प्रोजेक्ट धकेलिंदै जान थाले र समय बर्बाद गर्दैछु भन्ने मलाई लाग्यो । मैले नेपाली फेसनमा काम गरेको १० वर्ष पूरा भएको छ । फिल्ममा काम गर्नु मेरा लागि त्यो भन्दा विशेष कुरा हो । यसकारण मैले सीप र आत्मविश्वास विकास वृद्धिका लागि काम गर्नुपर्छ भन्ने ठानें । मैले नेपालमा अभिनय कक्षा पनि लिएँ । यसले मलाई धेरै सघायो तर मैले धेरै कुरा सिक्नु र बुझ्नुपर्नेछ । यसकारण मैले अभिनय स्कुल ज्वाइन गरें र केही समय मुम्बईमा रहनेछु । भिन्न सहरमा जानु भनेको नयाँ चुनौती र उत्साहपूर्ण हुन्छ । यसतर्फ अघि बढ्छु ।’
