सारांश
एजेन्सी। बलिउड अभिनेता शाहरुखको नयाँ सिनेमा जवानको प्रि–भ्यु सार्वजनिक भएको छ । एट्ली निर्देशित ‘जवान’को दुई मिनेट लामो प्रि–भ्युमा एक्सनका सिनले प्राथमिकता पाएको छ ।
सिनेमाको प्रि–भ्युमा शाहरुख दोहोरो भूमिकामा देखिएका छन् । २२० करोड भारु बजेटमा बनेको ‘जवान’मा दीपिका पादुकोणको विशेष भूमिका छ ।
ट्रेलरको अन्तिम भागमा जब शाहरुखले आफ्नो टाउकोबाट ब्यान्डेज हटाउँछन्, तब उनको टाउको नयाँ लुकमा देखिन्छ । उनको यस्तो रूप कसैले कल्पना समेत गरेको थिएन । तर यस लुकमा देखेपछि फिल्मलाई लिएर सामाजिक सञ्जालमा हलचल मच्चिएको छ ।
