काठमाडौं । नाडा अटोमोबाइल्स् एसोसियसन अफ नेपालले १५औँ संस्करणको टाटा मोटर्स जेनुइन आयल ‘नाडा अटो सो’ आयोजना गर्दै छ । 

उक्त प्रदर्शनी भृकुुुुटीमण्डपको प्रदर्शनीस्थलमा भदौ २६ देखि ३१ गतेसम्म प्रदर्शनी चल्ने छ । प्रदर्शनीको शीर्ष प्रायोजक टाटा मोटर्स रहेको छ भने सह–प्रायोजकमा शिखर इन्सुरेन्स् कम्पनी लिमिटेड रहेको छ । 

“आर्थिक सुस्तताले टोमोबाइल व्यवसायीमा नकारात्मक प्रभाव पार्नुका साथै सवारी साधन खरिदकर्ताको वित्तीय योजनामा समेत असर गरेको छ । यस अवस्थामा टाटा मोटर्स जेनुइन आयलद्वारा प्रायोजित नाडा अटो सो २०२३ले बजारलाई चलायमान बनाउन मद्धत पुग्ने आयोजकको ठम्याइ रहेको छ,”, नाडाले जारी गरेको विज्ञत्तिमा भनिएको छ, “सँग–सँगै नेपाली महान चाड–पर्वहरूको पूर्वाधारमा आयोजना हुन गइरहेको यस प्रदर्शनीले अटो व्यवसायी, ग्राहकवर्ग, गाडी प्रेमीहरू तथा अटोमोबाइलसँग प्रत्यक्ष–अप्रत्यक्षरूपमा संलग्न सबैलाई उत्साह पूर्वक सहभागी गराउने आयोजकले विश्वास लिइएको छ ।” 

प्रदर्शनीमा १६ वटा ब्राण्डका चार पाङग्रे, २२ वटा ब्राण्डका दुई पाङग्रे, ७ वटा ब्राण्डका लाइट कमर्सियल भेहिकल, ९ वटा वित्तिय संस्था तथा ३० वटा लुब्रिकेन्ट, टायर, ब्याट्री, पार्ट–पुर्जा एवं ग्यारेज उपकरण कम्पनीहरूको सहभागिता रहेको नाडाले उल्लेख गरेको छ । उक्त अटो सोमा २० अर्बको कारोबार हुने लक्ष्य लिएको आयोजकले जनाएको छ ।