सारांश
एजेन्सी। कांग्रेस आईका नेता राहुल गान्धीले मणिपुरदेखि मुम्बईसम्म भारत न्याय यात्रा निकाल्ने भएका छन् । यो यात्रा १४ जनवरीबाट सुरु हुनेछ र २० मार्चसम्म जारी रहनेछ।
कांग्रेस महासचिव केसी वेणुगोपालले बुधबार पत्रकार सम्मेलन गरेर यो भ्रमणको घोषणा गरेका हुन् ।
६५ दिनको यात्रामा राहुल गान्धीले ६ हजार २०० किलोमिटरको दूरी तय गर्नेछन् । यो यात्रा १४ राज्यका ८५ जिल्ला हुँदै जानेछ ।
यस यात्रामा राहुल गान्धीले मणिपुर, मेघालय, नागाल्याण्ड, असम, पश्चिम बंगाल, बिहार, झारखण्ड, ओडिशा, छत्तीसगढ, उत्तर प्रदेश, मध्य प्रदेश, राजस्थान, गुजरात र महाराष्ट्रको भ्रमण गर्नेछन्।
