सारांश
नेपाली कांग्रेसका सभापति शेरबहादुर देउवा र नेकपा एकीकृत समाजवादीका अध्यक्ष माधवकुमार नेपालबीच शुक्रबार भेट भएको छ।
धुम्बाराहीस्थित देउवा निवासमा करिब एक घण्टा भएको छलफलमा समसामयिक विषयमा कुरा भएको नेपालले बताए । तर नयाँ गठबन्धन बनाएर अघि बढ्नेबारे कुरा नभएको बताएका छन् ।
तत्कालीन गठबन्धन टुटेर नयाँ राजनीतिक समीकरण बनेसँगै भएको देउवा र नेपालबीच याे पहिलाे भेट हो । प्रधानमन्त्री पुष्पकमल दाहाल ‘प्रचण्ड’ले पुस २६ गते विश्वासको मत लिँदैछन् । देउवा र नेपालबीचको भेटलाई राजनीतिक वृत्तमा चासोका साथ हेरिएको छ ।
