सारांश
एजेन्सी । बंगलादेशमा विद्यार्थी आन्दोलन चर्किएपछि प्रधानमन्त्री शेख हसिनाले राजीनामा दिएकी छन् ।
उनले देश पनि छोडेकी छन् । तर, कहाँ गइन समाचारमा खुलाइएको छैन । उनको राजीनामाको माग गर्दै विद्यार्थीहरुले आइतबारबाट सुरु गरेको आन्दोलनका क्रममा एकै दिन करिब १०० जनाको मृत्यु भएको थियो ।
यसैबीच हसिनाले राजीनामा दिएलगत्तै प्रदर्शनकारी उनको निवास प्रवेश गरेका छन् । प्रधानमन्त्री कार्यालयमा रहेका सामान उनीहरुे उठाएर लगेको बीबीसीले जनाएको छ ।
आइतबारको घटनापछि बंगलादेशमा कर्फयु लागेको छ भने तीन दिन सार्वजनिक विदा दिइएको छ । इन्टरनेट पनि बन्द गरिएको छ ।
