सारांश
काठमाडौं । चलचित्र संघले जेनजी आन्दोलनका क्रममा देशभरका चलचित्र हलमा १७ करोड रुपैयाँ बराबरको क्षति भएको जनाएको छ ।
शनिबार बसेको संघको बैठक अनुसार, ४ हलमा आगजनी र तोडफोड भएका छन् । सबैभन्दा ठूलो क्षति विराटनगरको भाटभटेनीस्थित क्यूएफएक्सलाई भएको छ, जहाँ भवन पूर्णरुपमा जलेको र करिब १५ करोड बराबरको नोक्सानी भएको छ ।
त्यसैगरी, गोंगबुस्थित ल्होत्से मलमा रहेको आइएनआई मल्टिप्लेक्स, भक्तपुर र बुटवलका क्यूएफएक्स हलका टिकट काउन्टरमा पनि क्षति पुगेको छ ।
संघका महासचिव तथा प्रवक्ता सुरेन्द्र थापाले अवस्थालाई संवेदनशील बताउँदै केही दिन हल नखुल्ने जानकारी दिएका छन् ।
हाल मुलुकभर १६५ चलचित्र हल रहेका छन् ।
