सारांश
काठमाडौं । नेपाल काभा महिला भलिबल च्याम्पियनसिपको सेमिफाइनलमा प्रवेश गरेको छ ।
समूह ‘ए’ को अन्तिम खेलमा नेपालले माल्दिभ्सलाई सोझो सेटमा पराजित गर्दै अन्तिम चारमा स्थान सुरक्षित गरेको हो ।
त्रिपुरेश्वरस्थित दशरथ रंगशाला कभर्डहलमा भएको खेलमा नेपालले माल्दिभ्सलाई २५–१२, २५–९ र २५–२० को सेटमा सहज रूपमा हराएको हो ।
लगातार दोस्रो जित निकालेको नेपालले तीन खेलबाट ७ अंक जोड्दै समूहको शीर्ष स्थानमा पुगेको छ । भारत २ खेलबाट ५ अंकसहित दोस्रो स्थानमा छ भने किर्गिस्तान ३ अंकसहित तेस्रो स्थानमा रहेको छ ।
