काठमाडौं । डिशहोमका ग्राहकलाई खुसीको खबर: तुषाल मल्टिभेन्युसँग सहकार्य, जिमदेखि स्पासम्म ५० प्रतिशतसम्म छुट

काठमाडौं । डिश मिडिया नेटवर्क लिमिटेड (डिशहोम) ले आफ्ना ग्राहक, कर्मचारी, बिक्रेता तथा सेवा साझेदारका लागि स्वास्थ्य, तन्दुरुस्ती र जीवनशैलीसँग सम्बन्धित सेवामा विशेष सुविधा उपलब्ध गराउने उद्देश्यले तुषाल मल्टिभेन्युसँग सहकार्य गरेको छ।

दुवै संस्थाबीच भएको समझदारीअनुसार अब डिशहोमको भर्चुअल विशेषाधिकार कार्ड प्रयोगकर्ताले तुषाल मल्टिभेन्युका विभिन्न सेवामा आकर्षक छुट पाउनेछन्। डिशहोमले यो सहकार्यले ग्राहकको जीवनशैलीलाई थप स्वस्थ, सहज र गुणस्तरीय बनाउन मद्दत पुग्ने विश्वास लिएको छ।

सम्झौताअनुसार डिशहोमसँग आबद्ध ग्राहक, कर्मचारी, आधिकारिक बिक्रेता तथा सेवा साझेदारले साउना, स्टीम र ज्याकुजी सेवामा ५० प्रतिशत, नयाँ व्यायामशाला (जिम) सदस्यतामा २० प्रतिशत, छनोट गरिएका स्वास्थ्य, तन्दुरुस्ती तथा मनोरञ्जन सेवामा १५ प्रतिशत र खाना तथा पेय पदार्थ सेवामा १० प्रतिशत छुट प्राप्त गर्नेछन्।

छुट कसरी लिने?

छुट लिन ग्राहकले माइ डिशहोम मोबाइल अनुप्रयोग डाउनलोड गरी दर्ता गरिएको मोबाइल नम्बर वा ग्राहक परिचय नम्बर प्रयोग गरेर प्रवेश गर्नुपर्नेछ। त्यसपछि गृहपृष्ठ वा प्रोफाइलमा रहेको भर्चुअल विशेषाधिकार कार्ड देखाएर तुषाल मल्टिभेन्युमा उपलब्ध छुटको लाभ लिन सकिनेछ।

समझदारीपत्रमा तुषाल मल्टिभेन्युका सूचना प्रविधि प्रमुख राजकुमार श्रेष्ठ र डिशहोमका वरिष्ठ कर्पोरेट आतिथ्य लेखा अधिकृत देवराज श्रेष्ठ ले हस्ताक्षर गरेका हुन्।

डिशहोमका अनुसार भर्चुअल विशेषाधिकार कार्ड कार्यक्रम ग्राहक सन्तुष्टि अभिवृद्धि गर्ने र गुणस्तरीय जीवनशैली प्रवर्द्धन गर्ने दीर्घकालीन योजनाको हिस्सा हो। कम्पनीले यसअघि पनि भोजन, आतिथ्य, यात्रा, स्वास्थ्य, मनोरञ्जन तथा खुद्रा व्यापारसँग सम्बन्धित विभिन्न संस्थासँग सहकार्य गर्दै आफ्ना ग्राहकलाई विशेष छुट र सुविधा उपलब्ध गराउँदै आएको जनाएको छ।

कम्पनीले आगामी दिनमा थप नयाँ साझेदारसँग सहकार्य विस्तार गर्दै ग्राहकका लागि अझ धेरै विशेष सुविधा र जीवनशैलीसम्बन्धी लाभ उपलब्ध गराउने योजना रहेको पनि जनाएको छ।

डिशहोम र तुषाल मल्टिभेन्युबीचको यो सहकार्यले ग्राहक केन्द्रित सेवा, स्वास्थ्य प्रवर्द्धन तथा दीर्घकालीन रणनीतिक साझेदारीलाई थप सुदृढ बनाउने विश्वास दुवै संस्थाले व्यक्त गरेका छन्।