सारांश
वासिङटन / नेभाडा राज्यमा महत्त्वपूर्ण जित निकालेसँगै डेमोक्रेटिक दलले अमेरिकाको माथिल्लो सदन सिनेटमा बहुमत कायम गरेको छ ।
नतिजा सार्वजनिक भएसँगै राष्ट्रपति बाइडेनले चुनावमा देखिएको मतदाताको उत्साहजनक उपस्थितिले आफू निकै सन्तुष्ट बनेको प्रतिक्रिया दिएका छन् । रिपब्लिकनहरूले अब आफू को हो भनेर निर्क्योल गर्नुपर्ने अवस्था आएको बाइडेनको भनाइ छ ।
डेमोक्रेटिक दलले २०४ सिट जितेको छ । प्रतिनिधिसभाका ४३५ सिट र सिनेटका ३५ सिटका लागि अमेरिकीहरूले मंगलबार मतदान गरेका हुन् । यसका साथै कतिपय राज्यमा गभर्नरहरू पनि निर्वाचित भएका छन् । प्रतिनिधिसभामा बहुमत ल्याउन २१८ सिट आवश्यक पर्छ । यसअघि बहुमत रहेको राष्ट्रपति बाइडेनको डेमोक्रेटिक दलका २२० सदस्य थिए ।
