उद्योग वाणिज्य महासंघमा सर्वसम्मत नेतृत्वको पहल गर्दै ढकाल

सारांश

उद्योग वाणिज्य महासंघमा सर्वसम्मत नेतृत्वको पहल गर्दै ढकाल

काठमाडौं । आगामी चैत्र २८ र २९ गते हुने ५७औँ वार्षिक साधारणसभामा नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकालले सर्वसम्मत नेतृत्व निर्वाचित गर्ने पहल सुरु गरेका छन् ।

बुधबार काठमाडौंको लाजिम्पाटस्थित होटल ले हिमालयमा वरिष्ठ उपाध्यक्षका तीनजना आकांक्षीहरु उमेशलाल श्रेष्ठ, रामचन्द्र संघई र अञ्जन श्रेष्ठलाई एकै ठाउँमा राखेर ढकालले सर्वसम्मत नेतृत्वको पहल गरेका हुन् ।

“हामी एक भयौँ भने मात्र निजी क्षेत्र बलियो हुन्छ । हाम्रो महत्व बढ्छ,” उनले भने, “हाम्रा माग सम्बोधन गराउन सकिन्छ । अहिलेको अवस्थामा झन् हामी एक हुनुको विकल्प छैन ।”

प्रतिक्रिया दिनुहोस