सारांश
काठमाडौं । अमेरिकामा बसेर पनि नेपाली कला, संस्कृति, गीत-संगीत र चलचित्रलाई असाध्यै माया गर्ने युवा संगीतकार कृष रिजालले ‘घाम छायाँ’ बोलको नयाँ सांगीतिक कोशेली दर्शक- स्रोतामाझ ल्याएका छन् । उनले ‘घाम छायाँ’ को म्युजिक भिडियो पनि सार्वजनिक गरेका छन् ।
कृष रिजालकै शब्द अनि संगीत रहेको यस गीतमा वरिष्ठ गायक गायक इन्द्रजित मिजारको स्वर रहेको छ ।
एक समय नेपाली चलचित्रको पार्श्व गायनका चर्चित गायक मिजारका ‘अब यो बाटो मेरो हो कि म यो बाटोको,’ ‘टुङ्गुनाको धुन म जुन म’, ‘पिरतीको मिठो तिर्सना’, ‘के भन्ने हाम्रो समय’ जस्ता कयौँ गीत नेपाली सांगीतिक क्षेत्रमा लोकप्रिय छन् ।
स्मरणीय कुरा, युवा संगीतकार कृषको संगीतमा उदितनारायण झा, दीपानारायण झा, कुमार सानू, सन्जीवनी लगायका वरिष्ठ गायक/गायिकाले आफ्नो स्वर दिईसकेका छन।
