सारांश
काठमाडौं । नेपाली कथानक चलचित्र ‘काँडेतार’को शीर्ष गीतले राम्रो प्रतिक्रिया पाएको छ।
सत्यकला राई, राजेशपायल राई र जे पापीको स्वर रहेको गीतले देशको सीमाना रक्षाका लागि आह्वान गर्छ । मिलन कान्छा किराँतीको शब्द रचना रहेको गीतमा संगीत मणि थापाले भरेका छन् ।गीतको भिडियोमा नवल खड्का, गौरव पहारी, सुरबिना कार्की, रेविका गुरुङलगायत कलाकारको अभिनय रहेको छ ।
एक इन्च जमीन मिचिदा आपसमा लड्ने दाजुभाइ र छिमेकी देशको सीमा मिचिदा भने चुप बस्ने आम प्रवृत्तिलाई गीतले व्यंग्य गरेको छ । देशको रक्षाका लागि आम नेपाली घरघरबाट उठ्न प्रेरित गर्ने गीतले राष्ट्र र राष्ट्रियताको महत्त्व र आश्यकता दर्शासाउँछ ।
राष्ट्रवादी सिनेमा बनाउने निर्देशक, निर्माता तथा कलाकार नवल खड्काले निर्देशन गरेको चलचित्र ‘काँडेतार’ देशको सीमा रक्षाका लागि आवाज उठाउने सिनेमा हो ।
सामना फिल्म्स ब्यानरको चलचित्र ‘काँडेतार’ मा नवल खड्का, गौरव पहारी, रेविका गुरूङ, सुरविना कार्की मुरलीधर, प्रेम सुब्बा, परशुराम चौधरी, संजय खतिवडा, राजेन्द्र भगत, पन्नालाल सिकदार, प्रकाश गिरी र बाल कलाकारमा नादिया खड्का र सनया खड्कालगायत कलाकारको अभिनय छ।
