सारांश
काठमाडौं । कलाकार सरोज खनालले डेब्यु निर्देशन चलचित्र ‘बगान’ एकल महिलालाई निःशुल्क रुपमा देखाउने घोषणा गरेका छन् । ट्रेलर सार्वजनिक गर्न आयोजित पत्रकार सम्मेलनमा उनले चलचित्रको कथावस्तु पनि एकल महिलामा आधारित भएकाले उनीहरुको सम्मानका लागि यस्तो निर्णय गरिएको बताए ।
समारोहमा उपसभामुख इन्दिरा राना, माइती नेपालकी अध्यक्ष अनुराधा कोइराला, कोशी प्रदेश सांसद मीना श्रेष्ठ, सञ्चारकर्मी बबिता बस्नेत, अभिनेत्री करिश्मा मानन्धरकी आमा कोमलकुमारी केसी र अभिनेत्री पूजा शर्माकी आमा दुर्गा सापकोटालाई सम्मान गरियो ।
चलचित्र ‘बगान’ असार २९ गते रिलिज हुँदैछ ।
