सारांश
काठमाडौं । नेपाली कथानक चलचित्र ‘तेल भिसा’ निर्माण हुने भएको छ ।
ब्रेकफेल, वीरताको चिनो, विष र तुलसी निर्देशन गरेका निर्देशक शंकर घिमिरेको निर्माण तथा निर्देशनमा बन्न लागेको चलचित्रमा अभिनेता विपिन कार्की शीर्ष भूमिकामा अनुबन्धित भएका छन् ।
तिहारपछि नेपाल र अमेरिकामा छायांकन हुने चलचित्रमा विपिनको दोहोरो भूमिका हुनेछ । सोसल-कमेडी ड्रामा जनरामा बन्न लागेको यो चलचित्रले सुत्केरी स्याहार्न अभिभावकलाई अमेरिकामा बोलाइने प्रवृत्तिलाई कटाक्ष गर्नेछ ।
