सारांश
काठमाडौं । चलचित्र विकास बोर्डले हिन्दी चलचित्र सेन्सरका लागि कम्तीमा एक हप्ता अगाडि नै दरखास्त दिनुपर्ने बताएको छ । शुक्रबार रिलिज हुने सिनेमा बिहीबार बेलुकासम्म पनि सेन्सरका लागि आउने गरेको गुनासो चलचित्रकर्मीहरूबाटै आइरहेका बेला बोर्डले सात दिन अगाडि नै सेन्सरका लागि दरखास्त दिन भनेको हो ।
यो नियम कात्तिक १ गतेदेखि लागु हुनेछ । नेपाली सिनेमाको हकमा पनि एक साता आगाडि नै आवश्यक कागजातसहित सेन्सरका लागि दरखास्त दिनु पर्नेछ ।
