‘१२ गाउँ’ बनाउँदै विराज भट्ट, भन्छन्– सिनेमा उद्योगकै ठूलो एक्सन चलचित्र हुनेछ

सारांश

‘१२ गाउँ’ बनाउँदै विराज भट्ट, भन्छन्– सिनेमा उद्योगकै ठूलो एक्सन चलचित्र हुनेछ

काठमाडौं । एक्सन स्टार विराज भट्टले नयाँ चलचित्र ‘१२ गाउँ’ निर्माणको घोषणा गरेका छन् । बिहीबार सामाजिक सञ्जाल फेसबुकमा थिम पोस्टर सार्वजनिक गर्दै विराजले चलचित्र घोषणा गरेका हुन् ।

चलचित्र एक्सन थ्रिलर जानरामा निर्माण हुने उनले जानकारी दिएका छन् । विराज भट्ट फिल्म प्रोडक्सनद्वारा चलचित्र निर्माण हुनेछ ।

“यो नेपाली चलचित्र उद्योगकै अहिलेसम्मकै ठूलो एक्सन मुभी हुनेछ,” विराजले भने, “चलचित्रको मुख्य भूमिकामा भूमिकामा म आफैँ हुनेछु, अपोजिटमा को हुनेछ त्यो भने कुरा भइरहेको छ।,”

‘१२ गाउँ’ विराज स्वयंले निर्देशन गर्नेछन् । यसअघि उनले चलचित्र ‘साङ्लो’ निर्माण निर्देशन गरेका विराजले थिए ।

विराज पछिल्लो समय भोजपुरी फिल्ममा व्यस्त छन् ।

प्रतिक्रिया दिनुहोस