सारांश
काठमाडौं । उदय सुब्बा निर्देशित चलचित्र ‘दुई कदम’को ट्रेलर सार्वजनिक गरिएको छ ।
बुधबार आयोजित एक कार्यक्रमबीच सार्वजनिक ट्रेलरमा एक जोडी प्रेमी प्रेमीकाको प्रेममा आउने उतार–चढाव र लिम्बु संस्कार देखाउन खोजिएको छ । ट्रेलर हेर्दा इओन लिम्बु र सिमोन गिरी चलचित्रभित्र प्रेमी प्रेमीकाको रुपमा रहेको अनुमान लगाउन सकिन्छ ।
सार्वजनिक ट्रेलरको सुरुवातमा रहेको इओन लिम्बु र सिमोन गिरीको बाइक यात्रा र नोकझोंकका दृश्यले दर्शकमाझ कौतुहल्ता पैदा गर्ने देखिन्छ ।
अजम्बरी फिल्मस्को ब्यानरमा निर्माण भएको ‘दुई कदम’को एक गीतमा विल्सन विक्रम राई, वर्षा सिवाकोटी र गीता ढुंगानाले पनि नृत्य गरेका छन् ।
पूर्वको धनकुटा, तेह्रथुमको वसन्तपुर, इलाम, झापा र धरानमा छायांकन भएको चलचित्रमा विक्रम डिसीको छायांकन, दयाराम घिमिरेको कथा तथा पटकथा, ताराप्रकाश लिम्बु र विकास चौधरीको संगीत, डिपी खनालको गीत लेखन, रामजी लामिछानेको कोरियोग्राफी, राजु किराँतीको द्वन्द्व निर्देशन र प्रविन ढकालको सम्पादन छ ।
२९ मंसिरबाट सार्वजनिक प्रदर्शनमा आउने फिल्मलाई रिच इन्टरटेनमेन्ट र एफडी कम्पनिले वितरण गर्दैछन् ।
