सारांश
काठमाडौं । उच्च अदालत पाटनले टुकुचामाथि बनेका संरचना तत्काल नभत्काउन भनी दिएको अल्पकालीन अन्तरिम आदेश काडमाडौं महानगरपालिकामा पुगेको छ ।
आइतबार न्यायाधीश दिपेन्द्रबहादुर बमको एकल इजलासले रित पुर्याएर बनाएकाले उचित क्षतिपूर्ति नदिई संरचनाहरू हटाउन नमिल्ने भन्दै दिएको अल्पकालीन अन्तरिम आदेश महानगरमा पुगेको हो ।
अदालतले असोज ५ गते दुवै पक्षलाई छलफलका लागि बोलाएको थियो । महानगरका प्रवक्ता नविन मानन्धरका अनुसार महानगरका कानुनी परामर्शलाई अदालतको छलफलमा पठाइने छ । “अदालतको आदेश आएको छ ।
भोलि छलफलका लागि कानुनी परामर्श टोली जाँदै छ,” उनले भने ।
उनले घर भत्काउने र टुकुचा उत्खनन गर्ने कुरा छुट्टै भएको पनि बताए । टुकुचा खोज्ने अभियान महानगरले नरोक्ने उनले बताए । “आज नगरप्रहरी टोली अवैध संरचना भत्काउनतिर लागेको थियो । पुन: भोलि टुकुचा उत्खनन हुन्छ,” उनले भने ।
