सारांश
काठमाडौं । नेपाल विद्युत् प्राधिकरणले बक्यौता नतिरेका ३४ उद्योगविरुद्ध तीन निकायमा पत्राचार गरेको छ। नेपाल राष्ट्र बैंक, नेपाल धितोपत्र बोर्ड र कम्पनी रजिस्ट्रारको कार्यालयलाई पत्र लेख्दै आवश्यक कारबाही गर्न सिफारिस गरेको हो।
यसअनुसार प्राधिकरणले राष्ट्र बैंकलाई बक्यौता नतिरेका उद्योगहरूको बैंक खाता रोक्का गर्न पत्र पठाएको छ भने धितोपत्र बोर्डमा सर्वसाधारणको लागि सेयर जारी गर्ने लगायतका सेयर खरिदबिक्री कार्यको इजाजत नदिन भनेको छ।
त्यसैगरी कम्पनी रजिस्ट्रारमा सेयरको हक हस्तान्तरण र धितो बन्धक रोक्का गर्न पत्र पठाएको छ।
