सारांश
काठमाडौं । फागुनको १४ गतेबाट रिलिज हुने चलचित्र ‘मायावी’को ‘त्यो माया हो...’ बोलको रोमान्टिक गीत सार्वजनिक भएको छ ।
गीतमा एसडी योगी र सदीक्षा कट्टेलको स्वर छ । राम अविरल विष्टको शब्द छ भने एसडी योगीकै संगीत छ ।
सार्वजनिक गीतको भिडियोमा चलचित्रका मुख्य दुई कलाकार पल शाह र दीपिका प्रसाइँको प्रेम देखिन्छ ।
भिडियोलाई कविराज गहतराजले नृत्य निर्देशन गरेका हुन् । राजुविक्रम थापाको चलचित्रमा छायांकन छ भने मिलन श्रेष्ठ सम्पादक हुन् ।
दिवाकर भट्टराइको कथा, लेखन तथा निर्देशन रहेको चलचित्रमा ध्रुव न्यौपाने, राज कटुवाल र चन्द्र पन्तको लगानी छ ।
