सारांश
काठमाडौं । जग्गाको कारोबार बढ्न थालेको छ ।
गत आर्थिक वर्ष २०८०/०८१ को मंसिर–पुस र चालु आर्थिक वर्ष २०८१/०८२ को सोही अवधिलाई तुलनामा गर्दा जग्गाको कारोबार बढ्न थालेको हो । यसका साथै यही आर्थिक वर्षको मंसिरको तुलनामा पुसमा जग्गाको कारोबार बढेको छ ।
जग्गाको कारोबार पहिलेको तुलनामा अहिले केही मात्रामा बढेको नेपाल जग्गा तथा आवास विकास महासंघका महासचिव रोशन भोयद्योले बताए ।
भूमि व्यवस्थापन तथा अभिलेख विभागका अनुसार चालु आर्थिक वर्षको पुसमा एक लाख ४० हजार ६२१ कित्ता जग्गाको कारोबार भएको छ । चालु आर्थिक वर्षकै मंसिरमा एक लाख २८ हजार ३८२ कित्ताको कारोबार भएको थियो ।
