सारांश
काठमाडौं । ग्वार्को फ्लाइओभरको निर्माण कार्य चैत मसान्तभित्र सम्पन्न हुने र २०८२ वैशाखसम्म सञ्चालनमा आउने भएको छ ।
म्याद नाघेको एक महिना बितिसक्दासम्म पनि ८१ प्रतिशतमात्रै निर्माण सम्पन्न भएको र अझै १९ प्रतिशत निर्माण कार्य बाँकी रहेको सडक विभागअन्तर्गत गुणस्तर, अनुसन्धान तथा विकास केन्द्रका निर्देशक प्रभातकुमार झाले बताए ।
केन्द्रका अनुसार ग्वार्को फ्लाइओभर निर्माणका लागि १७ करोड ६ लाख ८८ हजार ८८८.०१ रुपैयाँ कुल लागतमा आशिष–समानान्तर–रेलिगेर जेभीले ठेक्का सम्झौता गरेको थियो । २०७८ फागुन १२ गते सुरु भएको ठेक्का सम्झौताअनुसार २०८० फागुन ११ (२ वर्ष) को अवधिमा निर्माण सम्पन्न गर्नुपर्ने हो । तर सो अवधिमा निर्माण सम्पन्न हुन नसकेपछि २०८१ पुस ८ गतेसम्म म्याद थप गरिएको थियो ।
