यस महोत्सवले काभ्रेपलाञ्चोक अवको कम्तीमा केही समय विश्वव्यापी युवा सहकार्यको केन्द्रविन्दु बन्ने आयोजकको दाबी छ । नेपालमा युवाहरूको यस स्तरको अन्तर्राष्ट्रिय महोत्सव पहिलो पटक आयोजना हुन लागेको हो । यसको सफलताले नेपालमा भएका अवसर, दक्षता, चुनौतीदेखि युवाहरूलाई स्वदेशमै भएका सम्भावनाहरु बारे परिचित गराउँदै हौसला प्रदान गर्ने विश्वास आयोजकले लिएको छ ।

७५ देशका १० हजार प्रतिनिधि यस युवा महोत्सवमा आउने छन् । त्यसमा २ सयभन्दा बढी वक्ताहरू हुनेछन् । ३ लाखभन्दा बढी युवा भेला हुने आशा गरिएको महोत्सवमा ५० भन्दा बढी विभिन्न गतिविधाका कार्यक्रमहरु हुनेछन् । महोत्सवमा आजको युवाहरू प्रभावित भएका गहन विषयमा वर्कशप गर्नुका साथै छलफल गरिने आयोजकले जनाएको छ । जलवायु परिवर्तन, लैंगिक एकता, महिला सशक्तीकरण, वाक स्वतन्त्रता, पर्यटन, राजनीति, लिडरसिप, स्थानीय खानालगायतका विषयमा यस युवा महोत्सवमा बहस हुने आयोजकले जनाएको छ ।

महोत्सवमा नेपालका ७५३ वटै स्थानीय तहको सहभागिता रहने प्रमुख गौतमले जानकारी दिए ।