सारांश
काठमाडौं । व्यवसायी रामेश्वर थापाले बाराको सिमरामा पौने दुई अर्ब रुपैयाँ लगानीमा पाँचतारे होटेल सञ्चालनमा ल्याउने भएका छन् ।
उनले एक अर्ब ८८ करोड ६० लाख रुपैयाँ लगानीमा अन्नपूर्ण भिस्टा रिट्रिट पाँचतारे होटेल निर्माण गरिरहेका छन् ।
होटेल सन् २०२७ को जुलाई वा २०२८ को सुरुआतमा सञ्चालनमा ल्याउने तयारी रहेको विकासकर्ता कम्पनी अन्नपूर्ण भिस्टाले जनाएको छ ।
अन्नपूर्ण भिस्टा गएको सेप्टेम्बरमा स्थापना गरिएको हो । यसमा थापाका साथै व्यवसायी राजेन्द्र केसी र दीपक पाण्डेको लगानी छ ।
थापा सिम्रिक एयर, अन्नपूर्ण मिडिया नेटवर्क, अन्नपूर्ण रेडियो र एपी वान टेलिभिजनका अध्यक्ष हुन् ।
अर्का सञ्चालक केसी पाँचतारे होटेल लेमन ट्री प्रिमियरका अध्यक्ष हुन् । पाण्डे प्रभु लाइफ इन्स्योरेन्स कम्पनी लिमिटेडका सञ्चालक र गरिमा क्यापिटल लिमिटेडका अध्यक्ष हुन् ।
