सारांश
काठमाडौं । चलचित्र ‘बलिदान’को प्रि–टिजर सार्वजनिक गरिएको छ । अभिनेता समीर भट्टको जन्मदिनको अवसर पारेर ‘बलिदान’को प्रि–टिजर सार्वजनिक गरिएको हो ।
प्रि–टिजरमा चलचित्रका प्रमुख कलाकार समीर भट्टको एक्सन छ । विराज भट्टको न्यारेसनसँगै सुरु हुने टिजरमा समीरको एक्सन समेटिएको छ ।
दसैँको फूलपातीमा रिलिज हुने चलचित्र ‘बलिदान’लाई सन्तोष सेनले निर्देशन गरेका छन् ।
चलचित्रमा समीरसँगै सौगात मल्ल, अर्पण थापा, ऋचा शर्मा, कविता राय, हेमन्त बुढाथोकी, प्रेम पुरीलगायत कलाकारको अभिनय छ ।
आसुसेन फिल्म्स्को प्रस्तुति रहेको यस चलचित्रका निर्माता पवन ब्राडफोर्ड बिस्ट हुन् भने प्रेम पुरी कार्यकारी निर्माता छन् ।
