सारांश
काठमाडौं । चलचित्र ‘पिताम्बर २’ निर्माणको घोषणा गरिएको छ ।
‘पिताम्बर’को ५१ औं दिन सेलिव्रेशन कार्यक्रममा यसको दोस्रो भागको निर्माण घोषणा गरिएको हो ।
चैत्रको २९ गतेबाट रिलिजमा आएको चलचित्र ‘पिताम्बर’ले काठमाडौंको रञ्जना सिनेप्लेक्स र बीग मुभिजमा ५१ दिन मनाएको हो । उक्त अवसरमा चलचित्रका कलाकार र प्राविधिकहरूलाई सम्मान पत्र प्रदान गरियो ।
कार्यक्रममा निर्देशक कृषा चौलागाईं, निर्माता विशाल चौलागाईं, डीओपी तथा सह–निर्माता पुरुषोत्तम प्रधान, कलाकारहरू सौगात मल्ल, अनुप विक्रम शाही, प्रमोद अग्र हरि लगायतको उपस्थिति थियो ।
कार्यक्रममा बोल्दै निर्देशक चौलागाईंले ‘पिताम्बर’ ‘सोचदेखि संभव’सम्मको यात्रा रहेको सुनाइन् ।
