सारांश
काठमाडौं । निर्देशक दिनेश राउतले चलचित्र ‘कुमारी’ निर्माणको घोषणा गरेका छन् ।
काठमाडौंको टुँडिखेलमा कार्यक्रमको आयोजना गरी चलचित्रको पहिलो पोस्टर सार्वजनिक गर्दै चलचित्र निर्माणको घोषणा गरिएको थियो । यो चलचित्रमा मुख्य कलाकार अविषेक खड्का र आकृति राजभन्डारी रहनेछन् ।
चलचित्रमा अविषेक र आकृतिबाहेक घनश्याम जोशी, सुनिता श्रेष्ठ, आकांक्षा कार्की, मधु खड्का, सनम श्रेष्ठ, सकु शाह, सरोज लामिछाने, मनिषा शर्मा, भूपी लुहारलगायत कलाकारको पनि अभिनय रहनेछ ।
‘आइ एम सरी’बाट निर्देशन सुरु गरेका राउतले ‘नोभेम्बर रेन’ र ‘क्लासिक’जस्ता प्रेमकथामा आधारित चलचित्र निर्देशन गरेका थिए । बीचमा उनले सोसल ड्रामा ‘पर्व’, ‘महाभोज’, ‘प्रसाद’, ‘प्रकाश’ र ‘पुजार सार्की’ चलचित्र बनाए ।
उनी पुनः लभस्टोरी सिनेमा निर्देशनमा नै फर्किएका छन् ।
‘कुमारी’का निर्माता महेन्द्र अधिकारी हुन् ।
चलचित्रको छायांकन यसै हप्तादेखि काठमाडौंमा सुरु हुनेछ ।
