सारांश
काठमाडौं । नेपाल क्रिकेट संघ (क्यान) ले नेपाल प्रिमियर लिग (एनपीएल) क्रिकेटको दोस्रो संस्करण तोकिएकै मितिमा आयोजना गर्ने भएको छ।
जेनजीको आन्दोलनका कारण खेलकुद गतिविधि प्रभावित भइरहेका बेला एनपीएल हुने–नहुने भन्ने प्रश्न उठेको थियो। तर, क्यानले मंसिर १ गतेदेखि प्रतियोगिता सुरु गर्ने जनाएको छ।
क्यानका प्रवक्ता छुम्बी लामाका अनुसार फ्रेन्चाइज टोलीहरूसँग छलफल भइसकेको छ र सबै पक्षले तोकिएकै मितिमा प्रतियोगिता गर्ने सहमति जनाएका छन्।
एनपीएलमा जनकपुर बोल्ट्स, विराटनगर किङ्स, काठमाण्डू गोर्खाज, चितवन टाइगर्स, पोखरा एभेन्जर्स, लुम्बिनी लायन्स, कर्णाली याक्स र सुदूरपश्चिम रोयल्स सहभागी हुनेछन्।
