एजेन्सी। टेस्लाका मालिक एलन मस्क ५०० अर्ब अमेरिकी डलर सम्पत्तिको आँकडा छुने विश्वकै पहिलो व्यक्ति बनेका छन् ।
फोर्ब्स रियल टाइम बिलियनेयर्स लिस्टका अनुसार, अक्टोबर १ मा अमेरिकी बजार बन्द हुँदा मस्कको कुल सम्पत्ति ५०० अर्ब डलर पुगेको थियो । टेस्लाको सेयर ३.३१ प्रतिशतले बढेपछि उनको सम्पत्ति उकालो लागेको हो ।
सूचीमा ओराकलका प्रमुख ल्यारी एलिसन ३५०.७ अर्ब डलरसहित दोस्रो र मेटाका सीईओ मार्क जुकरबर्ग २४५.८ अर्ब डलरसहित तेस्रो स्थानमा छन् ।
हाल मस्कको सम्पत्ति ४९९.१ अर्ब डलरमा झरेको छ । विगत १० वर्षमा उनको सम्पत्ति ३४ गुणाले बढेको फोर्ब्सले जनाएको छ ।
