सारांश
काठमाडौं । अखिल नेपाल फुटबल संघ (एन्फा) का कार्यवाहक अध्यक्ष वीरबहादुर खड्काले महासचिव किरण राईलाई निलम्बन गरेका छन् ।
राईले संघको विधान, विधि र पद्धति विपरीत कार्य गरेको आरोप लगाउँदै आइतबार खड्काले उनलाई निलम्बन गरेका हुन् । कार्यवाहक अध्यक्ष खड्काका अनुसार राईलाई यसअघि सोधिएको स्पष्टीकरणको जवाफ नदिएकाले अर्को कार्यसमिति बैठकसम्मका लागि उनलाई निलम्बन गरिएको हो ।
एन्फाले जारी गरेको विज्ञप्तिमा भनिएको छ,
“साधारणसभा र कार्यसमितिको म्याण्डेटलाई बेवास्ता गर्दै नियमविपरीत काम भएकाले महासचिव राईलाई निलम्बन गरिएको छ।”
राईको निलम्बन अवधिसम्मका लागि सहायक महासचिव दामोदर भट्टराईलाई कार्यवाहक महासचिव तोकिएको एन्फाले जनाएको छ ।
