सारांश
काठमाडौं । लुम्बिनी लायन्सले काठमाण्डु गोर्खाजलाई ४ विकेटले पराजित गर्दै सिद्धार्थ बैंक एनपीएलको दोस्रो क्वालिफायरमा पुगेको छ। काठमाण्डुले दिएको ११२ रनको लक्ष्य लुम्बिनीले १७.४ ओभरमा ६ विकेट गुमाएर पूरा गर्यो।
लुम्बिनीका लागि डार्शी सर्टले ३३, सन्दीप जोराले २३, कप्तान रोहित पौडेलले १८ र निरोशन डिकवेलाले १४ रन जोडे।
काठमाण्डुका सन्तोष यादवले २ विकेट लिए।
पहिले ब्याटिङ गरेको काठमाण्डु १९.१ ओभरमा १११ रनमै अलआउट भयो। सन्तोष यादवले २३, जोन सिम्पसन र आदिल आलमले १८–१८ रन बनाए।
अब लुम्बिनीले बिहीबार दोस्रो क्वालिफायरमा विराटनगर किंग्ससँग खेल्नेछ। काठमाण्डु एलिमिनेटरमै बाहिरिएको छ।
