सारांश
काठमाडौं । समस्याग्रस्त सहकारीका बचतकर्ताको रकम जेठको पहिलो साताबाट फिर्ता सुरु हुने भएको छ ।
समस्याग्रस्त सहकारी व्यवस्थापन समितिले कार्ययोजना सार्वजनिक गर्दै माग दाबी गरेका बचतकर्तालाई प्राथमिकता दिने जनाएको छ ।
माग दाबी छुटेकालाई साउनको पहिलो साता पुनः मौका दिइनेछ । कर्जा असुलीमा भने कडाइ गरिने, नतिर्ने ऋणीको नाम सार्वजनिक र कालोसूचीमा राखिने चेतावनी दिइएको छ ।
हाल करिब ७६ हजार बचतकर्ताको ४६ अर्ब रुपैयाँ फिर्ता गर्न बाँकी रहेको समितिले जनाएको छ ।
