सारांश
काठमाडौं । आगामी आर्थिक वर्ष २०८३/८४ का लागि सरकारको बजेट सीमा १८ खर्ब ९० अर्ब रुपैयाँ तोकिएको छ।
अर्थ मन्त्रालयका सचिव घनश्याम उपाध्यायले प्रतिनिधिसभा अर्थ समितिको बैठकमा उक्त जानकारी दिएका हुन्। उनका अनुसार राष्ट्रिय स्रोत अनुमान समितिले देशको आम्दानी र खर्च क्षमताको आधारमा यो बजेट सिलिङ तय गरेको हो।
उनले सबै मन्त्रालयले आफ्नो योजना र विवरण बजेट प्रणालीमा प्रविष्ट गरिसकेको र अहिले प्राथमिकता निर्धारण, अनावश्यक खर्च कटौती तथा अधुरा आयोजनाबारे छलफल भइरहेको बताए।
