सारांश
एजेन्सी । युक्रेनका प्रधानमन्त्री डेनिस शमिगलले युद्धग्रस्त आफ्नो राष्ट्रले युरोपेली सङ्घ (ईयू)मा सामेल हुन वार्ता सुरु गर्न दबाब दिइरहेका बेला किभले युरोपेली सङ्घका सबै सिफारिसहरू पूरा गरेको बताएका छन् ।
“युक्रेनले ईयूका सातवटै सिफारिस पूरा गरेको छ,” उनले ट्विटरमा लेखेका छन् । “यसले यस वर्ष ईयू प्रवेश वार्ताको सुरुआतमा अगाडि बढ्ने हाम्रो दृढतालाई दर्शाउँछ,” उनले भने ।
सन् २०१४ मा ईयू समर्थक क्रान्ति गरेको युक्रेनले एक वर्षभन्दा बढी समयदेखि रूसी आक्रमणको सामना गरिरहेको छ । राष्ट्रपति भोलोदिमिर जेलेन्स्कीले आफ्नो देश यसै वर्ष युरोपेली सङ्घमा सामेल हुन वार्ता सुरु गर्न योग्य रहेको बताएका छन् ।
