सारांश
काठमाडौं । काठमाडौं महानगरपालिकाले वडास्तरमै राजस्व अनुगमन गर्ने भएको छ ।
यसको लागि महानगरको राजस्व विभागले वडा कार्यालयहरुलाई पठाएको पत्रमा वडा क्षेत्रभित्र रहेका सम्पत्ति कर र बहाल कर बुझाए नबुझाएको, व्यवसाय दर्ता र नवीकरण भए/नभएको हेर्न अनुगमन गर्न भनिएको छ । अनुगमनका क्रममा अनलाइन राजस्व दाखिला प्रणालीबाट कर दाखिला गर्न प्रोत्साहन गर्न, प्रणाली सञ्चालनका विषयमा जानकारी गराउन अनुरोध गरिएको छ ।
जेठ १ गते बसेको कार्यपालिकाको बैठकले राजस्व अनुगमन गर्ने निर्णय गरेको थियो । अनुगमन टोलीको छनोट वडा अध्यक्षले गर्नेछन् ।
