सारांश
काठमाडौं । हिलोले गजगज दशरथ रंगशालामा बंगलादेशले शुक्रबार भुटानलाई ८–० ले हराउँदै साफ महिला च्याम्पियनसिपको फाइनलमा स्थान बनाएको छ ।
प्रतियोगितामा बंगलादेशले फाइनलमा स्थान बनाएको यो दोस्रोपटक हो । यसअघि २०१६ मा पनि बंगलादेशले फाइनलमा स्थान बनाएको थियो ।
भुटान पहिलोपटक साफको सेमिफाइनलमा स्थान बनाउन सफल भएको थियो । भुटानले समूह चरणमा श्रीलंकालाई ५–० ले हराएको थियो । जुन प्रतियोगितामा भुटानको पहिलो जित थियो ।
