सारांश
एजेन्सी । फिफा महिला विश्वकपको उपाधि दिलाउन फाइनलमा निर्णायक गोल गरेकी स्पेनकी कप्तान ओल्गा कार्मोनाका बुवाको उक्त खेलअघि नै निधन भएको खुलेको छ ।
युवा उमेरमै स्पेनको कप्तानी सम्हालेकी २३ वर्षीया कार्मोनाले फाइनलमा इंग्ल्यान्डविरुद्ध १–० को जित निकाल्दा निर्णायक गोल गरेकी थिइन् । रोयटर्सले सार्वजनिक गरेको रिपोर्टका अनुसार लामो समयको रोगका कारण गएको शुक्रबार नै कार्मोनाको बुवाको निधन भएको थियो । फाइनल खेल आइतबार थियो
रोयट्र्सका अनुसार उनका बुवा लामो समयदेखि बिरामी थिए ।
२३ वर्षीय ओल्गाले बाबुको निधन भएको थाहा पाएपछि सामाजिक सञ्जालमा लेखिन्, ‘मलाई थाहा छ तपाईंले मलाई हिजो बेलुका हेर्नुभयो । तपाईंलाई म माथि गर्व भयो होला, तपाईंको आत्माले शान्ति पाओस् बुबा ।’ उनले त्यसैमा थप्दै लेखिन्, ‘मलाई थाहा थिएन । खेल सुरु हुनअघि नै मेरो लागि एउटा चम्किलो ताराले मलाई केही विशेष पाउन शक्ति दिइरहेको थियो ।’
