सारांश
काठमाडौं । नेपाली महिला फुटबल टोलीकी फरवार्ड सावित्रा भण्डारी 'साम्बा' ले आफू इजरायलमा सुरक्षित रहेको बताएकी छन्।
उनी हापोइल रानाना क्लबबाट इजरेली प्रिमियर लिग खेल्न गत साउनमा इजरायल गएकी थिइन्। त्यसयता क्लबले उपलब्ध गराएको अपार्टमेन्टमा बस्दै आएकी थिइन्।
शनिबार बिहान प्यालेस्टाइनको इस्लामिस्ट समूह 'हमास'ले आक्रमण गरेपछि भने आफू इजरायलस्थित नेपाली दूतावासका स्वकीय सचिव अर्जुन घिमिरेको परिवारसँग बसिरहेको र सुरक्षित रहेको बताइन्।
‘पहिले क्लबले नै उपलब्ध गराएको अपार्टमेन्टमा बसिरहेकी थिएँ, हमासले आक्रमण गरेर स्थिति तनावग्रस्त बनेपछि नेपालीहरू सँगै बस्यो भने सजिलो हुन्छ भनेर यता आएँ,' उनले भनिन्।
