सारांश
काठमाडौं । राष्ट्रिय खेलकुद परिषद्ले जाजरकोट भूकम्पपीडितलाई ९ लाख ६० हजार रुपैयाँ सहयोग गर्ने भएको छ ।
जाजरकोट केन्द्रविन्दु बनाएर कात्तिक १७ गते गएको भूकम्पबाट पुगेको मानवीय क्षतिप्रति दुःख व्यक्त गर्दै परिषद्ले पदाधिकारी तथा कर्मचारीहरुको एक दिनको पारिश्रमिक वापतको ९ लाख ६० हजार ६८ रुपैयाँ उपलव्ध गराउने भएको हो ।
राष्ट्रिय खेलकुद परिषद्का सदस्य–सचिव टंकलाल घिसिङको अध्यक्षतामा बसेको बैठकले परिषद्का पदाधिकारी तथा सम्पूर्ण कर्मचारीहरुको एक दिन बरावरको पारिश्रमिक वापतको उक्त रकम उपलब्ध गराउने निर्णय गरेको हो ।
