सारांश
काठमाडौं । क्रिकेटर सन्दीप लामिछानेविरुद्धको नाबालिग बलात्कार मुद्दामा न्यायाधीश केशवप्रसाद घिमिरेको इजलासले मंसिर २२ गते भित्र लिखित बहस नोट पेस गर्न आदेश गरेको छ ।
जिल्ला अदालत काठमाडौंका श्रेस्तेदार रामु शर्माका अनुसार बहस नोट उपलब्ध भएपछि मंसिर २४ गते सुनुवाइ हुनेगरी अर्को पेसी इजलासबाटै तोकिएको छ ।
नाबालिग बलात्कार मुद्दामा चाँडो सुनुवाइ गर्न सर्वोच्च अदालतको निर्देशनात्मक आदेश भएपनि काठमाडौं जिल्ला अदालतमा पटक–पटक पेसी स्थगित हुँदै आएको थियो ।
वकिलहरू धेरै भएर बहस लम्बिने भएपछि न्यायालयले सबैलाई लिखित बहस नोट पेस गर्ने आदेश गरी त्यसकै आधारमा फैसला पनि दिने अभ्यास छ ।
